Tecno : Tecno Spark 20 Pro स्मार्टफोनची आज फिलीपिन्समध्ये Tecno ने अधिकृत घोषणा केली आहे. Spark 20 Pro मॉडेल म्हणजे Spark 20 च्या पुढचा टप्पा म्हणता येईल, जो या महिन्याच्या सुरुवातीला लाँच केला होता.
Spark 20 Pro मॉडेलच्या वैशिष्ट्यांबद्दल बोलायचे झाले तर, यात 6.78 इंचाचा डिस्प्ले आहे. डिव्हाइसमध्ये फुल HD+ रिझोल्यूशन आणि 120Hz रिफ्रेश दर आहे. हा स्मार्टफोन 8GB रॅम आणि 256GB इंटरनल स्टोरेज सह सादर करण्यात आला आहे.
किंमत
Tecno Spark 20 Pro मूनलाइट ब्लॅक, फ्रॉस्टी आयव्हरी, सनसेट ब्लश आणि मॅजिक स्किन कलर पर्यायांमध्ये येतो. फिलीपिन्समध्ये डिव्हाइसची किंमत PHP 5,599 (अंदाजे रु. 8,400) आहे. हा स्मार्टफोन सध्या फिलीपिन्समध्ये Shopee वेबसाइटद्वारे खरेदीसाठी उपलब्ध आहे. सध्या कंपनीने हँडसेटच्या जागतिक उपलब्धतेबाबत कोणतीही माहिती दिलेली नाही.
Tecno Spark 20 Pro चे फीचर्स
Tecno Spark 20 Pro मध्ये पाणी आणि धुळीपासून संरक्षणासाठी, IP53 रेटिंग, साइड-माउंटेड फिंगरप्रिंट सेन्सर, फेस अनलॉक सपोर्ट, 4G VoLTE सपोर्ट, स्टिरीओ स्पीकर इ. सारखी अनेक शक्तिशाली वैशिष्ट्ये आहेत. स्मार्टफोनमध्ये 5,000mAh बॅटरी आहे जी 33W फास्ट चार्जिंगला सपोर्ट करते. सॉफ्टवेअर फ्रंटवर, स्पार्क 20 प्रो Android 13 वर चालतो.