Samsung Galaxy : A15 आणि A25 लॉंच ; जाणून घ्या किंमत आणि फीचर्स

Samsung Galaxy : जगभरात दररोज नवनवीन सँर्टफोन लॉन्च होत असतात. टेक्नॉलॉजीच्या दुनियेत प्रसिद्ध असलेल्या सॅमसंग या कंपनीने आज धमाकेदार मोबाईल लॉंच केले आहेत. आजच्या लेखात आपण याच मोबाईल्स बद्दलची माहिती जाणून घेणार आहोत.

(Samsung Galaxy) सॅमसंगने आज म्हणजेच २६ डिसेंबर रोजी दोन सॅमसंग ए सीरीज स्मार्टफोन्स A15 5G आणि A25 5G भारतात लॉन्च केले आहेत. या डिव्हाइसेस मध्ये तुम्हाला 5000 mAh बॅटरी, 120Hz रिफ्रेश रेट, 50MP कॅमेरा आणि अनेक वैशिष्ट्ये मिळतात.

Galaxy A25 5G Galaxy A24 चा पुढचा टप्पा म्हणून लॉन्च करण्यात आला आहे आणि A14 चा पुढचा टप्पा म्हणून A15 5G लाँच करण्यात आला आहे. या डिव्हाईसची सुरुवातीची किंमत 20000 रुपयांपेक्षा कमी आहे. चला तर मग या डिव्हाइसेस बद्दल जाणून घेऊया…

Samsung Galaxy A15 आणि A25 किंमत

किंमतीबद्दल बोलायचे झाल्यास, Samsung Galaxy A15 5G च्या 8GB + 128GB वेरिएंटची किंमत 19,499 रुपये आणि 8GB + 256GB व्हेरिएंटची किंमत 22,499 रुपये ठेवण्यात आली आहे. जर आपण Samsung Galaxy A25 5G बद्दल बोललो तर त्याच्या 8GB + 128GB वेरिएंटची किंमत 26,999 रुपये आणि 8GB + 256GB वेरिएंटची किंमत 29,999 रुपये निश्चित करण्यात आली आहे.

Samsung Galaxy A15 5G चे स्पेसिफिकेशन्स

वैशिष्ट्यांबद्दल बोलायचे झाल्यास, Galaxy A15 5G मध्ये 6.5-इंचाचा AMOLED डिस्प्ले आहे, ज्याचे रिझोल्यूशन 2340 x 1080 पिक्सेल (FHD+), 90Hz रीफ्रेश रेट आणि 800nits चा पीक ब्राइटनेस आहे.

प्रोसेसर बद्दल बोलायचे झाले तर या फोन मध्ये तुम्हाला MediaTek Dimension 6100 Plus चिपसेट देण्यात आला आहे, जो 8GB रॅम आणि 256GB रॅम पर्यंत मिळतो.

या डिव्हाइसमध्ये ट्रिपल कॅमेरा सेटअप आहे, ज्यामध्ये 50MP प्राथमिक सेन्सर, 5MP अल्ट्रावाइड युनिट आणि 5MP मॅक्रो स्नॅपर आहे. सेल्फी आणि व्हिडिओ कॉलसाठी या डिव्हाइसमध्ये 13MP सेल्फी कॅमेरा आहे.

बॅटरीबद्दल बोलायचे झाल्यास, यात 25W चार्जिंग सपोर्टसह 5,000mAh बॅटरी आहे.

Samsung Galaxy A25 5G चे स्पेसिफिकेशन्स

Galaxy A25 5G मध्ये 6.5-इंचाचा AMOLED डिस्प्ले ड्यूड्रॉप नॉचसह आहे, जो 2340 x 1080 पिक्सेल (FHD+), 120Hz रिफ्रेश रेट आणि 1000nits पीक ब्राइटनेस मिळवू शकतो.

प्रोसेसरबद्दल बोलायचे झाले तर, या हँडसेटमध्ये Exynos 1280 प्रोसेसर आहे, ज्यामध्ये 8GB रॅम आणि 256GB स्टोरेज आहे.

कॅमेर्‍याबद्दल बोलायचे झाल्यास, तुम्हाला यात ट्रिपल कॅमेरा सेटअप देखील देण्यात आला आहे, ज्यामध्ये OIS-सहाय्यित 50MP प्राथमिक सेन्सर, 8MP अल्ट्रावाइड युनिट आणि 2MP मॅक्रो स्नॅपर समाविष्ट आहे. याशिवाय, यात 13MP फ्रंट-फेसिंग शूटर देखील आहे.

या फोनमध्ये 25W चार्जिंग सपोर्टसह 5,000mAh बॅटरी देखील आहे.